小氣簿丨Beanies推出今年第二首團歌 赴台北拍MV拍足24小時
撰文: TOPick柴犬出動
發布時間: 2024/07/31 18:08
最後更新: 2024/07/31 18:08
▲ 女子組合Beanies推出新團歌《小氣簿》。
由潘釗彤(Chiutung)、陳樂頤(Geor)、張天穎(Jaime)、李凱翹(Kay)及黃健怡(Winky)組成的唱作女子組合Beanies,近日推出今年的第二首團歌《小氣簿》,beatbreak曲風充滿着夏天氣息,最適合暑假播放!
由蘇道哲監製及與Jaime一起編曲,Winky、Kay及Jaime作曲,Jaime說:「歌名係同監製阿道一齊諗,創作入面,阿道分享咗啲demo畀我哋,每個人交咗自己嘅旋律出嚟。最後好似拼圖咁,剪咗而家首歌出嚟。」而歌曲是講姊妹之間感情,負責填詞的Chiutung說:「講一班好朋友出嚟去玩,少不免申訴平日生活嘅唔開心、返工有咩冤屈氣,見朋友嘅時候就會好似寫晒落小氣簿咁。」
ILUBeanies 聯校Live丨Beanies成員各自唱solo 少爺占Donald深情唱情歌
《小氣簿》成微電影
《小氣簿》MV由近年香港年青歌手熱捧導演Kendra Koh執導,特別找來台灣新一代的演員姚愛寗與張介禎演出,短短幾分鐘的故事,有他們的演出變得更為立體,近乎變成了幾分鐘的微電影。
拍過《共犯》、《比悲傷更悲傷的故事》、《帶我去月球》、《為你存在的每一天》的姚愛寗,又演過日本電影《戀愛奇譚集》,脫俗清新深得台、日觀眾愛戴;而張介禎演過的電影《夢遊》,曾於紐約電影獎榮獲過6個大獎,是新世代的演員之一。
Beanies感興奮
MV內,Beanies位成員飾演女主角的內在小女孩,女主角對着男主角的內心掙扎,Beanies總會出現在旁,鼓勵女主角做決定,雖然最後的結局是分手收場,但5個女孩永遠寄居於女主角內心,陪伴左右。
對於第一次拍MV有演員參演,Beanies感到很榮幸及興奮,Jaime說:「由演員負責成個故事情節,畀觀眾睇到成首歌嘅第二面。」Kay說:「好靚仔好靚女。演員們做得好好,眼神呼吸節奏好到位,我自己眼濕濕咗兩次。」Geor說:「最尾火鍋店嗰個鏡頭,我以為仲有咁多人食緊飯,但原來全部都係臨時演員,嗰時先知我哋今次咁大製作,好驚訝!製作比之前大好多,大家都用咗好多努力!」
至於拍攝時的難忘事,Winky笑言:「拍咗24個鐘,中間有機會一齊坐低出去食飯。通常拍嘢都係食飯盒,但我哋可以出去食咗碗拉麵,好幸福。」Geor說:「我哋喺天橋到同女主角大嗌發洩,但我哋要無聲吶喊,因為嗰時已經凌晨3點幾。」Chiutung表示清醒時間的24小時,一齊做了很多很奇怪的事。
Beanies雖然出道短短一年多,但一齊經歷過不少事,對於未來的發展,Winky說:「我哋嚟緊會繼續出歌唱歌,期待可以搞到Beanies嘅演唱會!」而Chiutung最期待的,「我哋嘅MV可以去到越嚟越遠嘅地方拍!」
最新影片推介:麥秋成專訪
HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5